De erschte Mensch

De erschte Mensch wor e Andreser

 Franz Berwanger, * 1897. Er hat des Gedicht vor 90 Johr aus Amerika mitgebrung. 

De Herrgott hat die Luft un’s Licht,
was lebt un wachst grad ingericht;
de erschte Mensch – e jedr’s weeß –
des war de Adam aus Andrees.

„Wu krie ich jetzt mei Eva her?“
De Adam saat’s, de Herrgoot lacht:
„des is for mich doch gar net schwer,
die wird aus deiner Ripp gemacht!“

Sei Weib hat’ne gleich angelacht,
de Adam, ihm de Kopp verdreht.
Der dankt’m Herrgott for die Pracht:
„Du bischt e Mann, der was vrsteht!“

„Kumm hol mr alli Rippe raus –
Mi’m Weib is’s Lewe doppelt scheen –
Un mach mr lauder Evas draus!
Ich sin zu lang schun leenich g’ween.“

De Herrgott saat: „Wart noch e Johr,
geduld‘ dich noch, kumm dann zu mir!
Bis dohin wird dr alles klor –
Vielleicht g’langt doch die Eva dir?“

Un no eem Johr noch eemol froot
Gottvattr de Adam noo seim Sinn.
„des Weib hat mich genuch geploot,
drum setz mei Ripp mr widr in!“