`S Johr, des geht dem Ende zu –
Es hat uns Mensche fill gebrung –
Uff die Arweit folgt die Ruh:
Die Zeit forr die Erinnerung.
—————————————–

´S Johr klingt aus un geht zur Neige –
Es hat uns alli uffwerts g´fihrt –
Dr Erfolch, der kann sich zeige,
Ich saa´s mit Stolz un unscheniert.

In der Tat, all´ unser Plän´
Hann sich erfillt un sinn gelung;
´S ganzi Johr war scheen geween:
´S hat uns recht vill Freed gebrung.
—————————————-

Die Beem hann abgeleet die Blättr –
Forr sie beginnt de Winterschloof –
Vrännert hat sich jetz des Wettr:
Im Stall vrkrieche sich die Schoof.

De eerschte Schnee vrkind´ de Winter;
E Flockemeer in weißer Pracht
Iss die Sehnsucht aller Kinder –
Die Sunn dezu ganz heemlich lacht.

Es iss die Zeit, wu alli Leit
Ausspanne solle, sich besinne,
Damit se – innerlich befreit –
Im Fruhjohr wiedr nei beginne.

Wußlich Toni vun Andres
alias Matthias Weber