Kerweihspruch 1982

Der Spruch wurde von Vortänzer Siegfried Till vorgetragen

Liewe Landsleit, sehr geehrte Gäscht!
Seid alli willkommen uf unsrem Fescht.
Als Vortänzer mecht ich Eich begrieße,
Dir sellt Eich heit alli an uns schließe;
For das mer heit feire in eem Kres
Es schenni Kerweihfescht vun Andres.
Musik!

Heit han mer Gäscht vun weit und breet,
Des macht uns Andreser e großi Freed,
Well, was wär e Kerweih ohni Gäscht
So wie mei Strauß do ohni Nescht?
Aach Gäscht han mer heit vum Ausland do,
Des macht uns alli aarich froh.
Musik!

Vun unser Landsleit täte manche reschkiere viel Geld,
Vun denni wu verstraut sin schun draus in de Welt
For dass se wäre, aach heit do im Krees
Um zu feire mit uns, die Kerwei in Andres.
Des kenne leider net alli mache
Un se aach net mit uns heit lache.
Musik!

Die Kerweih stammt vun unsre Ahne her,
Es feire se aach schun Landsleit iwrem Meer.
Mir Schwowe tun uns uf die Kerwei immer gfreie,
Well’s Kerweihfescht uns am Herz tut leie.
Seid alli luschtich liewe Leit!
Buwe: Was han mer heit?
(Alli Fassbuwe: KERWEIH!)
Musik!

Dieser Spruch wurde zusammengestellt von Hans Stemper sen., Sanktandres, 20. August 1982